Традиционално претпладнево во сите населени места во прилепско беа осветени водите со полагање на чесниот крст. Во селото Беровци најсреќен беше Андреј Алексоски, кој за себе и семејството посака здравје и среќа.
Во Тополчани среќата да го фати светиот крст од ледените води ја имаше Драганчо Илиоски. Тој возбуден од среќа и радост пренесе пораки за среќна година и бериќет.
Во реката кај Големо Коњари Благојче Мантароски беше најк’сметлија од десетината учесници за традиционалниот чин.
Сите добија пригодни податоци од управните одбори на црквите и од Општина Прилеп.
