Здружението „Платформа за КРЕАТИВНИ КОНЦЕПТИ – Прилеп“ во соработка со Општина Прилеп, Преспанско – Пелагониската Епархија, прилепските училишта и Институтот за старо словенска култура го започна проектот „Денови на Свети Климент Охридски“. Реализацијата ќе трае околу еден месец, а истиот вклучува одржување на неколку работилници од областа на македонскиот јазик, историја и ликовната уметност секако со завршен настан на 8 декември.
Во областа на македонскиот јазик , работилницата ќе ја предводи наставничката Наташа Кулеска , од историја наставникот Горан Василески а од ликовна уметност наставникот Александра Џинго.Сите овие работилици имаат за цел да им го прошират знаењето на учениците за Свети Климент Охридски за неговиот лик живот и дело а во исто време и да направат творби , истакна Андреј Иваноски претседател на здружението „Платформа за КРЕАТИВНИ КОНЦЕПТИ – Прилеп“ , и додаде дека преку реализацијата на овој проект всушност младите ќе имаат вистинска моќност црквите не само да ги гледаат како храмови туку и како свои домови од каде ќе можат повеќе да научат и да им пренесуваат на своите родители дома.
При реализацијата на овој проект , планирана е и екскузрија за учениците до Плаошник за уште подобро да се запознаат со ликот и делото на Свети Климент Охридски.
