Во просториите на GREEN HUB – Кочани се одржа завршната конференција на проектот „Заедно кон Европа: Мултиетничка иницијатива за европска иднина за сите генерации“, спроведен од Здружението на Роми ,,АВЕНА ,, од Кочани со поддршка од Министерството за односи со заедниците.
Проектот се реализираше во источниот регион на Северна Македонија, најмногу во најголемите општини Кочани и Штип, со цел да ги зајакне капацитетите на граѓанските организации и да ја поттикне инклузијата, мултиетничката соработка и европските вредности во локалните заедници.
Во рамки на проектот беа спроведени обукиза членови на граѓански организации, фокусирани на темите европски вредности, инклузија, мултиетничка соработка и процесот на ЕУ интеграција. Значаен дел од проектот беа и тематските панел-дискусии, кои ги опфатија трите клучни аспекти на европските вредности и инклузивноста:
„Европски вредности на дело – инклузија и одржливост низ граѓанскиот сектор“,– „Женската перспектива за инклузивни политики и европски вредности; и
„Младите од мултиетнички заедници за европските вредности и ЕУ интеграцијата“,
Преку овие активности беше воспоставена Локална платформа за мултиетничка соработка, која ќе продолжи да функционира како отворен простор за дијалог меѓу институциите и организациите. Во завршна фаза на изработка е и Стратегијата за мултиетничка соработка и инклузивност во јавните политики (2025–2028) – документ кој ќе обезбеди долгорочни насоки за унапредување на јавните политики и зајакнување на учеството на граѓанскиот сектор.
Покрај обуките и панелите, беше реализирана и информативна и промотивна кампања „Заедно кон Европа“, преку теренски активности, медиумски објави и дистрибуција на информативни материјали, насочена кон подигање на свеста за европските вредности, толеранцијата и активно граѓанско учество во процесот на интеграција.
Во рамки на проекотот беше создадена беше и веб-страницата www.zaednokoneu.mk, која останува активна како дигитален ресурсен центар за локалните организации и сите што сакаат да се информираат и да се вклучат во идни иницијативи.
Завршниот настан ја заокружи оваа успешна иницијатива со порака дека проектот „Заедно кон Европа“ создаде мрежа на организации и поединци од источниот регион подготвени да соработуваат, да промовираат европски вредности и да придонесат кон поинклузивна и европска иднина за сите генерации.
Содржината на објавата е сопственост на Радио Кочани.
