Настан што сигурно предизвикува внимание е денешниот , саем на музика и винили кај саатот во Прилеп.Носачите на звук , колекционерите и секако самото изложување на бесценетата музика пред прилепчани , ги стави на љубопитен испит сите оние кои сакаа да проверат , да пребараат и да се потсетат на музичките моменти од некогаш.Дали плоча , дали цд, дали касета , саемот на музика и винили претставува можност за повторно да се почуствува звукот на музиката од грамофон , да се допри и чуе отворањето на било кое музичко издание преку касета и да се потсети секој на омотот на албумот од својот музички пулен.И Прилеп си има свои колекционери кои по трет пат се потрудија во својот град со помош на останатите колекционери од земјава и Јавен простор , да ги изложат музичките изданија кои трпеливо ги собирале со години без разлика за каков музички жанр станува збор.Велат дека тие си имаат пасија и страст, музика , музика на винили – носачи на звук.Во продолжение погледнете и дел од атмосферата на овој несекојдневен музички саем.
