Годинава во целост ќе профункционираат канализационите системи во населените места Мало и Големо Коњари, како и во Канатларци, одговори на новинарско прашање Игор Гулабоски, директор на ЈКП Водовод и канализација. За Мало Коњари сеуште се чека на преземањето на канализациониот систем во управување на ЈКП Водовод и канализација по завршување на техничката документација од инвеститорот – Министерството за транспорт и врски.
Во Канатларци веќе функционира и се одржува канализацијата и функционира, и населено место Големо Коњари каде што проектот е целосно направен и оваа година во целост ќе се заврши во ова населено место со канализацијата. Оваа година ЈКП Водовод и канализација ги спрема проектите за канализација за Селце и Лагово. ЈКП ВиК веќе има подготвено проекти оваа година за парите кои што оваа Влада и овие министерства ќе ги одобрат. Околу проекти за населено место Селце таму ќе има нова водоводна мрежа до манастирот. Потоа имаме населено место Лениште, прв пат од кога постои ова населено место ќе се донеси вода и сите викенд куќички кои се околу селото. Како што кажа министерката ги добивме Лековските извори, еден од најстарите извори, по слободен пад добиваме вода. Направен е 46/47 година, проектот е веќе и од Министерството одобрен, оваа година се надеваме дека и тој проект ќе го реализираме. Се прават уште 2 проекти кои што почетно ќе дојдат на селекција во Општина Прилеп, а потоа во Министерството за животна средина, Министеството за транспорт и врски и Министерството за локална самоуправа кога ќе се направи таа селекција. Водовод и канализација има направено проекти за да аплицира за приближно околу 10 милиони евра, рече Игор Гулабоски, директор на ЈКП Водовод и канализација Прилеп.
