Астрономскиот клуб „Фрањо Клуз“ од Земун, Србија“, денеска гостуваше во ОУ „Никола Карев“ во Кочани.
Претставник на клубот изврши презентација на Планетариум пред учениците од осмо и деветто оделение – импровизиран балон со небески тела во внатрешноста. Клубот од Земун пред учениците од кочанското ОУ покажа модел од заштитно одело за космоунаути чија вредност, ако е вистинско, достигнува повеќе милиони долари. На презентацијата беа покажани макети од космички летала кои веќе „атерирале“ на месечината, имаше кратко предавање за првите космонаути, за патувањето на човекот во вселената.
– Активноста е воннаставна и има за цел да се прошири географскиот видик на учениците од осмо и деветто одделение,информираше Сашко Стефановски,наставник по географија во кочанското училиште.
Презентацијата на Планетариумот се одржа во спортската сала на ОУ „Никола Карев“, која од неодамна го носи името „Кочански ангели“.
Клубот „Фрањо Клуз“ од Земун е со богата историја од астрономијата. Формиран е 1949 година и освен што поседува Планетариум тој е и аеро клуб.
Содржината на објавата е сопственост на Радио Кочани.
