На Летната сцена на Центарот за култура „Бели мугри“ во Кочани вечерва следува втората проекција на филм од Патувачкото кино на МакеДокс, Фестивал на креативен документарен филм. Името на флмот што ќе биде прикажан сеуште не е познато. Организаторот, изборот го прави според публиката и нејзината возраст..
– Имаме подготвено поголема селекција на филмови што биле прикажувани на минатите изданија на МакеДокс. Програмата не ја правиме во стилот – кој ден кој филм ќе прикажуваме, туку на самото местоодлучуваме според тоа каква публика ќе дојде, деца, помлади или повозрасни, информираше Сара Ферро од Здружението за промоција на документаристика МакеДокс.
Синоќа беше прикажан првиот филм, „Со љубов“, на режисерот Илија Цветковски, и имаше пристојна посетеност.
Патувачкото кино на МакеДокс ќе биде во Кочани на летната сцена на ЦК „Бели мугри“ секоја вечер до 20 ти јули. Единствено, сабота, 19 – ти јули, ќе помине без филм
Проекциите започнуваат во 21 часот.
Патувачкото кино на МакеДокс е подржано од Агенцијата за филм. а неговото гостување во Кочани се реализира во соработка со ЦК „Бели мугри“, Општина Кочани и СапортКочани
Содржината на објавата е сопственост на Радио Кочани.
