Во Македонија, на Богојавление, најмладиот кој “влезе“ во осветените води (сигурно) е бебето од прилепското с. Тополчани. Арсениј е неколкумесечно бебе, кое беше покрстено токму на овој ден, на денот Богојавление, Водици во осветените води на Црна Река, во с.Тополчани, во присуство на голем број верници, кои беа радосни за овој редок христијански чин (бидјеќи, најчесто чинот на покрстувавање е во црковните храмови ) .
Покрстувањето, во осветените води на Црна Река, го изврши парохискиот свештеник отец Емилијан, чии придонеси, верницие во ова населено место во Општина Прилеп го вреднуваат како збогатување на духовниот живот.
Инаку, празникот Водици , Богојавление, народот го празнува како еден од најголемите христијански празници, зашто на тој ден, според верувањето, Исус Христос е крстен од од Свети Јован Крстител. Се верува дека п реку светата вода и крштевањето, Богојавление е нов почеток каде што водата и духот креираат една вечна приказна на верата и обновата.
