На првиот ден од март, членките на Здружението „Преродба „ изработија над 1000 мартиники и им ги подарија на најмладите, децата, зачувувајќи ја древната традиција на изработката, дарување и носење на мартинки.
Во минатото, првиот ден од месец март Македонците го славеле како празник на пролетта, љубовта, цвеќињата и убавината. Во чест на први март, девојките и жените плетеле алки – Мартинки.
Токму тоа е нашата цел, да ја задржиме традицијата и обичаите кои ги негувале нашите баби и мајки и да им ја пренесеме на децата и младите, велат од здружението Преродба – Прилеп, кои мартинките им ги подарија на децата од градинките и на децата од Дневниот Центар за деца со церебрална парализа, велат од Здружението на жени Преродба -Прилеп
“Одржавме работилница со децата со посебни потреби од Здружението “Порака“ – Прилеп, со кои изработувавме мартинки и им ја покажавме техниката на изработка, плетење на белезици со бел и црвен конец. Ова беше одлична можност за дружба и взаемна соработка со децата,кои се радуваат на секоја ннова изработена мартинка“ раскажува Лилијана Горѓиоска , претседател на Здружението на жени „Преродба„ -Прилеп
Традиционалните мартинки кои се прават на овој ден ја симболизираат пролетта, но и доброто здравје. Мартинките се традиционален украс од бел и црвен конец, кој се плете во вид на нараквица и се закачуваат на првиот ден од месец март. Црвената боја на мартинката значи живот, а белата чистота и здравје. Со конец се изработуваат разновидни фигури во овие две бои, меѓу кои најпозната е фигурата на момче и девојче.
Мартинката може да се отстрани и на прв поглед на штрк, ластовичка, или дрво кое расцветало.
Во 90-тите години кај нас, пред изгреј сонце или кога ќе стане детето од сон, мајката или бабата на детенцето му врзува мартинка на рака или во вид на брош му се става на јакната. Се верува дека мартинката се носи за здравје.
Во поново време, овој обичај поретко се негува од поновите генерации.
Управата за заштита на културното наследство на Република Македонија и Институтот за фолклор ,,Марко Цепенков, направи мултинационалната апликација до УНЕСКО, во која Македонија, заедно со Романија, Бугарија и Молдавија бара поддрша на заштита на мартинките како нематеријално светско културно наследство.
Целиот разговор можете да го погледнете ТУКА
