Како да се преживее со високите сметки за струја на социјална пензија?!
Прилепчанката Ангелина е само една од илјадниците случаеви во Македонија што бараат правда со високите сметки за струја. Ниту знае поради која причина добила голема сметка за струја, ниту знае како ќе ја плати, ниту може да се спротивстави, ниту знае како!!!
Ангелина зема социјална пензија, околу 7 илјади денари. Таа е потстанарка во куќа чии сопственици се живеат во странство. Живее во подрумот, не плаќа станарина под услов да се грижи за куќата. Се грее на дрва, готви на плинско, сама е, синот и’ починал пред 8 години. Веќе неколку месеци се опоравува од мозочен удар. Иако, за тој период не била во домот, престојувала кај брат и’ кој се грижел за неа, од она малку што го добива како социјална пензија ја платила сметката за струја од над 5 илјади денари.
Дополнително, побарала и платила за комисија-контрола да дојде и да испита зошто толкава сметка – за последната (декември месец 2024 ) од над 3 илјади денари. И со тоа се надевала дека се расчистила за 2024 та година. Ама, наместо тоа, од ЕВН и’ ја исклучиле струјата, за истиот ден по реакција во наплатниот пункт на ЕВН да кажат дека е по грешка и дека контролата ќе дојде. Наредната сметка изнесувала над 12 илјади денари. Во меѓувреме Ангелина сеуште чека комисија/контрола за која е уверена дека платила 418 денари. Деновиве, доаѓа нова сметка за струја од над 15 илјади денари. Каде Ангелина да ја бара правдата и како да опстане со социјалната пензија?
„АНГЕЛИНА ПРОТИВ ЕВН“ проследете го видеото
