В сабота на СРЦ „Бавчалук“, ДПД – Кочани со натпревар во меѓународни противпожарни игри ќе одбележи четири години од постоењето, а во периодот од 14:00 до 15:00 часот патот кон Брана Гратче и обратно ќе биде затворен за движење. Во текот на вежбата ќе биде користена звучна и светлосна сигнализација од противпожарните возила.
Во продолжение ви го пренесуваме соопштението во целост:
Доброволното противпожарно друштво – Кочани ги информира граѓаните дека на 20 септември 2025 година (сабота) ќе се одржи настанот: „Kochani Fire Challenge 2025“, наменет за демонстрација на интервенциски способности и унапредување на капацитетите за заштита и спасување.
Во рамки на настанот, во периодот од 14:00 до 15:00 часот, на паркингот кај Бавчалук, ќе се изведува показна вежба со учество на противпожарни тимови и во овој временски период патот кон Брана Гратче и обратно ќе биде затворен за движење.
Во текот на вежбата ќе биде користена звучна и светлосна сигнализација од противпожарните возила.
Ги замолуваме граѓаните за разбирање и да не се вознемируваат од активностите кои се дел од организираната симулација.
Ве покануваме да присуствувате и да ја проследите вежбата, која има за цел да ја подигне свеста за важноста на брз и координиран одговор при вонредни ситуации. Со почит, ДПД Кочани
Содржината на објавата е сопственост на Радио Кочани.
