Православните верници в понеделник, 8 јуни, ги започнуваат Петровденските пости, кои ќе траат до 12 јули, кога се празнува големиот христијански празник Свети апостоли Петар и Павле – Петровден.
Годинава постот трае 34 дена.
Во пресрет на почетокот на постот, на 7 јуни се одбележуваат Петровденските поклади, последниот ден кога е дозволено консумирање мрсна храна.
Според православниот календар, денеска, 3 јуни, како и в петок, 5 јуни, верниците можат да употребуваат храна од животинско потекло.
Денешниот ден е посветен и на празникот Свети цар Константин и царица Елена.
Во храмот „Свети великомаченик Георгиј“ утрово беше отслужена Света божествена литургија, на која присуствуваа бројни верници.
Петровденскиот пост е еден од четирите повеќедневни пости во православната црква и претставува период на молитва, духовно очистување и подготовка за чествувањето на светите апостоли Петар и Павле.
Содржината на објавата е сопственост на Радио Кочани.
