В недела, на 29 јуни ќе се одржи триесет и деветото издание на манифестацијата Мариовско мегленски културни средби во Витолиште.
Програмата ќе ја отвори претседателот на Организацискиот одбор, Стојан Ѓуровски, а поздравен говор ќе одржи градоначалникот на Прилеп, Борче Јовчески.
Во програмата ќе настапат ученици од ОМУ „Ордан Михајлоски-Оцка“, пејачката Софија Коческа во придружба на Стефче Стојкоски. Ќе настапат и културно-уметничките друштва „Гоце Делчев“ од Битола, „Стив Наумов“ од Логоварди, „Мирче Ацев“ од Тополчани, „Божица“ од Битола и други.
Потоа ќе следи заедничка веселба на учесниците во програмата и посетителите во придружба на народниот уметник Стефче Стојковски со неговата музичка група, а предвиден е и ручек за учесниците во програмата и за посетителите.
Водител на манифестацијата ќе биде Филип Димкоски.
Организаторот, Извршниот одбор на Здружението „Мариоско-мегленски културни средби“-Прилеп Обезбеден е превоз за сите заинтересирани посетители на манифестацијата. Автобусот за Витолиште поаѓа на 29 јуни во 7 часот пред Центарот за култура „Марко Цепенков“.
Филип Димкоски
фото: Oпштина Прилеп
