Вчеравечер иако под лоши временски услови со силен ветер, тимот за спасување на планина на Дирекцијата за заштита и спасување (ДЗС) безбедно го симнал странскиот палаглајдерист кој бил закачен на дрво високо над 30 метри, во близина на Крушево. Тој за среќа нема сериозни повреди. Во акцијата учествуваше прилепчанецот Дарко Неданоски, кој е дел од тимот за спасување на планина при Дирекцијата за заштита и спасување.
За несреќната случка, дека странски државјанин додека летал со палаглајдер удрил во дрво, се здобил со повреди и останал да виси на него, ДЗС било информирано од полициската станица-Крушево, доцна попладнето.
Од ДЗС информираат дека локалните сили не можеле да го симнат повредениот параглајдерист, поради што итно бил активиран нивниот тим за спасување на планина.
