Тргнаа од “сопствениот двор“, како вистински домаќини, започнаа еко акција од своето училиште, за да послужат како пример на другите – учениците од СОУ „Р.Р. Ричко“ уште еднаш покажаа дека младите се движечка сила за позитивни промени во заедницата. Во рамки на иницијативата „Рециклирам, значи постојам“, тие организираа акција за собирање хартија и нејзино рециклирање, со цел да придонесат за почиста и поздрава животна средина и акција од своето училиште и своите домови, а продолжија и во институциите собирајќи на 1000 кг хартија.
Непотребната хартија се носеше во големи количини и се чекаше во ред да се достави на соодветно место за рециклирање. Па, со ово чини и со својата еко енергија и ентузијазам, учениците не само што успеаја да соберат значителни количини хартија, туку и испратија силна порака дека секој може да придонесе за заштита на природата. Нивниот пример е доказ дека малите чекори водат кон големи промени.
„
Горди сме што покажавме дека ние младите можеме да бидат пример за одговорност и грижа за околината,“ велат учениците кои учествуваа во акцијата.
Иницијатива,која трае веќе 10 дена, и е како дел од одбележувањето на 22-ри Април, Денот на планетата Земја, е потсетник дека рециклирањето не е само обврска, туку и начин да се изгради свест за одржливост и заедничка иднина.
Еко – акцијата „Рециклирам, значи постојам“ на СОУ „Р.Р. Ричко“ треба да биде инспирација и за другите училишта, организации и граѓани. Секој може да се приклучи со собирање хартија, пластика или друг отпад кој може да се рециклира.
„Така, заедно ќе изградиме почиста и поздрава средина за сите„, порачуваат од СОУ Ристе Ристески Ричко – Прилеп
