Во изминатиот период беше реализирана креативна и едукативна иницијатива – театар со сенки, која предизвика голем интерес кај публиката и доби бројни позитивни реакции од колеги, наставници и институции од земјата и регионот.
Проектот, во кој активно учествуваат ученици, покажа дека ваквиот вид уметнички израз има силен едукативен, емотивен и терапевтски ефект.
Преку сенки, движење и приказна, децата испраќаат силни пораки за емпатија, солидарност и човечки вредности.
Како резултат на успешната изведба, учениците веќе добиваат покани да ја претстават претставата во други училишта и градинки, што ја потврдува вредноста и потенцијалот на оваа иницијатива.
Посебен акцент на овој културен настан беше ставен од компанијата„Nature Therapy“, преку која децата беа поддржани со пакети производи што претставува дополнителна мотивација за понатамошна работа и развој.
Наставничката ментор Ана Симонова нагласува дека учениците не планираат да застанат тука.
Напротив, оваа иницијатива има амбиција да прерасне во театарски караван со сенки, кој ќе може да се реализира и во рамки на роденденски забави, културни настани и други манифестации, со што уметноста ќе стане подостапна за пошироката заедница.
Овој проект претставува пример како преку креативност, заедништво и поддршка, младите можат да создадат нешто што остава траен белег и инспирира нови културни приказни.
Содржината на објавата е сопственост на Радио Кочани.
