Магдалена Тројачанец Ристевска, кандидатка за член на општинскиот Совет на СДСМ и Коалицијата претстави дел од визијата за ревитализација на населбата Варош со сите атрибути на убавина, културно наследство и традиција:
„ Населбите како Варош во светот се бисери на културното наследство. А кај нас?
За 4 години ниту турист, ниту визија. Локалната власт го остави заборавен, потонат во смет и темнина, со неасфалтирани улици и неискосени парковски површини.
Подрачното основно училиште „Блаже Конески“, место од кое родителите стравуваат за безбедноста на своите деца.
Кај споменикот на Орде Чопела наместо парк исполнет со детска радост – тишина и заборав.
Нашата визија е Варош повторно жив! Симбол на убавина, традиција, душата на Прилеп,“ рече Магдалена Тројачанец Ристевска, кандидатка за член на општинскиот Совет на СДСМ и Коалицијата.
