Откупот на оризовата арпа од минатогодишната реколта во кочанскиот регион се одвива континуирано, а досега се преземени над 10.000 тони, информираше министерот за земјоделство, шумарство и водостопанство, Цветан Трипуновски.
Тој посочи дека и покрај временските неприлики и задоцнетата жетва, процесот се следи внимателно, со цел да се заштитат оризопроизводителите.
Го следиме откупот и сакам да порачам дека оризопроизводителите никогаш не биле оставени сами. Доколку има потреба, институциите ќе реагираат за да се заштити нивниот труд, изјави Трипуновски.
Министерот потврди дека е реализиран и планираниот откуп за државните стоковни резерви, при што се обезбедени 2.400 тони ориз.
Во однос на недостигот од семенски материјал, најави дека Институтот за ориз во Кочани веќе работи на негово производство, а првите количини се очекуваат да бидат достапни уште во текот на оваа сеидба.
Според надлежните, годинава ориз ќе се сее на околу 4.000 хектари во кочанскиот регион
Содржината на објавата е сопственост на Радио Кочани.
