Проекцијата на филм од серијалот „Мистер. Бин“ под отворено небо, синоќа ги наполни двете спортски игралишта во дворот на ОУ „Никола Карев“ во Кочани.
Учениците и нивни родители беа само дел од публиката. На проекцијата присуствуваа граѓни што немаат никаква врска со училиштето, само сакаат, ни рекоа, да го почуствуваат задоволството од гледање филм на големо платно, нешто што за кочанчани беше вообичаен и чест настан посебно во седумдесетите, осумдесетите и првата половина од деведесетите години од минатото столетие.
– Кочани се наоѓа во чуствителелен период на рехабилитација после случувањето од март годинава. Најпрвин мислевме изборот на филмови да го прилагодиме за возраста на нашите ученици. Но, набргу свативме дека се потребни филмови за сите возрасти, за младите пред се. Идејата за кино проекции дојде од стручните служби. Ќе обезбедиме онолку филмови и со таков квалитет што можеме да го платиме, информираше директорот на ОУ „Никола Карев“, Александар Андов.
Тој најави една проекција неделно во текот на летниот период, на отворено, во училишниот двор.
Дека на градот му недостасува „филм на големо платно“ станува очигледно. Минатата недела Кочани го посете Патувачкото кино на МакеДокс. На Летната сцена на ЦК „Бели мугри“ од 15 – ти до 20 – ти јули беа прикажани пет документарци. Момците од МакеДокс беа „супер“ задоволни од посетеноста.
Контактиравме со ЦК „Бели мугри“, каде се одвиваат активности за обезбедување срадства за набавка на професионална кино опрема, прожектор и големо платно за проекции на отворено.
В.д директорката Габриела Стефановска не сакаше да открива детали. Потврди дека е во комуникација со потенцијален донатор, поединости најави во моментот кога проектот ќе биде финализиран.
Содржината на објавата е сопственост на Радио Кочани.
