Градоначалничката на општина Македонска Каменица, Соња Стаменкова, е избрана за член на Управниот одбор на ЗЕЛС на конститутивна седница на Генералното собрание на Заедницата на единиците на локалната самоуправа на Македонија. Генералното собрание, како највисоко тело на ЗЕЛС, на седницата го разгледа и изборот на членовите на Управниот и Надзорниот одбор.
Управниот одбор е составен од 19 градоначалници од целата држава.
За претседател на ЗЕЛС повторно е избран актуелниот градоначалник на Град Скопје, Орце Ѓорѓиевски, додека за потпретседатели се избрани градоначалниците на општините Центар и Чаир, Горан Герасимовски и Изет Меџити.
Во наредниот период ќе бидат формирани и повеќе комисии во рамки на ЗЕЛС, во кои ќе се разгледуваат прашања од различни области на локалната самоуправа
На истото Генерално собрание на ЗЕЛС, градоначалникот на општина Зрновци, Ванчо Митев, ја доби довербата да биде избран за член на Надзорниот одбор на ЗЕЛС.
Митев истакна дека оваа функција ја смета како признание, но и како обврска за уште поголема посветеност во застапувањето на интересите на општина Зрновци и зајакнувањето на локалната самоуправа.
Содржината на објавата е сопственост на Радио Кочани.
