Никита Митевски, Мите Атанасов, Даниел Јанев, Даме Јаневски и Матеј Стоиловски се средношколците од нашиот град кои со нивната идеја Linkify се натпреваруваат за 1.000.000 денари во рамки на нацоналниот натпревар „Средношколец милионер“ во организација на Brainster Next College и NU академиите за талентирани средношколци.
Нивната идеја е една од 53 селектирани бизнис идеи кои имаат најголем потенцијал, во конкуренција од 438 бизнис идеи, а за да продолжат понатаму потребна им е нашата поддршка.
Linkify е веб-платформа и екстензија на интернет пребарувач која работи во позадина и ги штити корисниците од малициозни линкови и сајбер закани. Системот ги скенира линковите пред кликнување, анализира за измами и други опасности и дава јасни предупредувања со детални информации за ризикот. Достапна како веб-алатка и екстензија за сите модерни пребарувачи, Linkify обезбедува непречено и безбедно интернет искуство.
Секој глас значи поддршка за младите умови кои ја градат иднината на Кочани и на целата земја. Вашиот глас и поддршка можете да им ги дадете тука:
https://milioner.mk/vote/e1cba4d8-9f0a-440e-afca-2a40b10924ce
Да им помогнеме нашите претставници да стигнат до финалето и да покажеме дека Кочани стои зад своите таленти.
Гласањето трае со 16 ноември.
Содржината на објавата е сопственост на Радио Кочани.
