Советниците денеска со мнозинство на гласови избраа нови членови во надзорните одбори за контрола на материјално-финансиското работење и членови во управните одбори на јавните комунални претпријатија: ЈКП „Водовод и канализација“-Прилеп, на ЈКП „Комуналец“-Прилеп, на ЈКП „Пазари“-Прилеп, на ЈП за ПУП-Прилеп, на ЈСП-Прилеп и на Јавно претпријатие за енергетски дејности „Енерго-Прилеп“-Прилеп. На оваа седница беше усвоен и висината на месечниот надоместокот за овие членови.
Опозицијата имаше одредени забелешки, пред сè за висината на месечниот надоместот за членовите на надзорните и управните одбори, имаа и свои предлози за дополнување на точките од дневниот ред за оваа седница, но главно советниците го задржа утврдениот дневен ред и ги со мнозинство на гласови ги изгласаа сите предвидени точки.
На осмата Седница на Советот на Општина Прилеп беше усвоен правилникот за доделување на еднократна парична помош за секое запишано прваче во основните училишта во општина Прилеп за учебната 2025/2026 година, за што Општина Прилеп од Буџетото одвои два милиони денари. Воедно, советниците ги изгласаа и измена на правилникот за доделување на еднократна парична помош за новороденче, е усвоено зголемување на рокот за поднесување на барање за добивање на парична помош за новороденче, родено во 2026 година на подрачјето на Општина Прилеп, со што им се овозможува на родителите наместо до 45 дена да го достават барањето до 90 дена.
На денешната седница советниците ја усвоија и предложената програма за еднакви можности на Комисија за еднакви можности за 2026 година.
