риесет и три крвни единици се собраа на вонредната крводарителска акција што во организација на Црвен крст Кочани и поддршка на екипа од Институтот за трансфузиона медицина Штип денеска се реализираше во просториите на општинскиот Црвен крст во Кочани.
Акцијата е 13 што годинава се реализира и е прва вонредна крводарителска акција поради зголемената потреба од крв и крвни продукти во летниот период од годината.
-Упатуваме благодарност до сите крводарители кои денеска даруваа крв и помогнаа во обезбедување на доволно количество на крв и крвни продукти во летниот период кога потребата од крв е се зголемува.
Ги повикуваме дарителите да се приклучат и на следните крводарителски акции. Доброволното крводарување е единствен начин на обезбедување на крвни резерви за потребите на граѓаните, истакнаа од Црвен крст Кочани.
На акцијата крв даруваа 4 првократни дарители и 10 млади лица до 30 годишна возраст.
Од Црвен крст Кочани додадоа дека редованта крводарителска акција што се реализира секој последен четврток во месецот, во месец август наместо на 28 август кога е државен празник ќе биде преместена на 21 август во просториите на Црвен крст Кочани, во редовниот термин од 08:30 до 14 ч.
Содржината на објавата е сопственост на Радио Кочани.
