По повод Меѓународниот ден на ретките болести 28 ми февруари, последниот ден од најкраткиот месец во годината со вклучување на младите, на учениците, три здруженија Центар за развој и едукација, ЛАГ Агро Лидер и Урбано гнездо со поддршка на Општина Кривогаштани денеска реализираа спортски настан. Со активноста трите организации иницираа поддршка на лицата со ретки болести, солидарност, и подигнување на јавната свест за предизвиците со кои се соочуваат лицата со ретки болести и нивните семејства. На настанот учествуваа учениците од ООУ „Манчу Матак“ од Кривогаштани и ООУ „Јонче Смугрески“ од с. Обршани. Учениците играа одбојка во пријателска и позитивна атмосфера, покажувајќи тимски дух, солидарност и поддршка.
„Преку спорт, заедништво и позитивна енергија, испративме силна порака дека секој поединец е важен, дека различностите нè обединуваат и дека поддршката од заедницата прави вистинска разлика.Ретките болести се можеби ретки по број, но силата, храброста и љубовта на лицата што живеат со нив се бескрајни – затоа секоја подадена рака значи надеж, а секоја поддршка значи живот со повеќе достоинство. Настанот помина во одлично расположение и уште еднаш ја истакна важноста на заедништвото, поддршката и еднаквите можности за сите,“ велат од Центар за развој и едукација и ЛАГ Агро Лидер.
