Со изложба на икони „Уметниците за Свети Никола“ денеска 18 ти декември во Центарот за култура Марко Цепенков и традиционалното чествување во населбата Сточен Пазар, започнаа празничните настани по повод градската слава Свети Никола.
По тој повод градоначалникот Дејан Проданоски упати покана за заедничко прославување на големиот православен празник:
Чест и големо задоволство ми е да Ве поканам заедно да го прославиме големиот христијански празник Свети Никола, заштитникот и патрон на нашиот горд град Прилеп. Во име на домаќините на овогодинешната прослава, и во мое име, како градоначалник, Ве повикувам да бидете дел од традицијата која не обединува во духот на заедништвото, хуманоста и верата.
Честувањето на празникот Св.Никола утре 19 ти декември, започнува во 08:00 часот со Архиерејска Божествена литургија, со која ќе чиноначалствува митрополитот Преспанско-Пелагониски г- Петар , во Црковниот храм „ “Св.Блоговештение“-Прилеп.
Водосвет и прережување на празничниот колач ќе се изврши пред Параклисот на „Св.Никола“ во центарот на градот во 12:00 часот.
За сите добронамерници од 12:30 часот ќе биде послужена празнична, посна, светиниколска трпеза, во центарот на градотна плоштадот Александрија, која ја подготвија домаќинитие на овогодишната градска слава, компаниите Матадор и Бимфуд.
По повод градската слава, на плоштадот „Александрија“ за сите посетители, ќе биде организирана и пригодна, културно-уметничка програма на која ќе настапи прилепската група „Тајфата“.
