Вечерва нешто по 18 часот е пријавен шумски пожар над селото Нивичани, во општина Кочани.
Пожарот зафаќа поголема површина и претставува закана за неколку викенд-куќи во реонот.
Од Територијалната противпожарна единица – Кочани информираат дека на терен се ангажирани сите расположливи ресурси, во координација со Доброволното противпожарно друштво Кочани и екипи на ЈП „Национални шуми“.
– Пожарот се шири со голема брзина поради сувата вегетација и повремениот ветер.
Во момементот 40 пожарникари и доброволци даваат максимални напори за негово локализирање и заштита на објектите – соопштија од кочанската противпожарна служба.
Надлежните апелираат граѓаните да избегнуваат движење во близина на пожарот и уште еднаш потсетуваат на потребата од внимателно однесување во природа, особено во летниот период кога опасноста од пожари е зголемена.
Дополнителни информации ќе следуваат во текот на вечерта.
Содржината на објавата е сопственост на Радио Кочани.
