Денеска во Кочани во Општатат болница беше имплементиран проект за пилотирање на советувалишта за мажи во Македонија.
Програмата ја отвори програмската директорка на Асоцијацијата за здравствена едукација и истражување, Елизабета Божиновска.
Најпрво, дозволете ми да изразам искрено сочувство до жртвите во Кочани и нивните семејства. Во контекст на оваа трагедија, Австрија обезбеди лекување за тешко повредените жртви од Кочани во болници во Австрија, со што им беа спасени животите. Сѐ уште обезбедуваме поддршка за понатамошен третман на жртвите од Кочани. Во оваа насока, Медицинскиот универзитет во Грац понуди поширока соработка со Универзитетската клиника во Скопје и болницата во Кочани. Проектот за пилотирање на советувалишта за мажи во Северна Македонија сега го имплементира концептот за советувалиште за мажи тука во Кочани, кој веќе беше разработен во рамките на друг проект финансиран од Австриското Министерство за социјални работи. Главната цел на овој проект е ефикасна превенција на насилството врз жените и семејното насилство. Обезбедувањето совети за мажи во кризни ситуации помага да се избегне потенцијално насилно однесување кон жените и во семејството. Работата со сторителите има за цел да спречи насилство врз жените и семејно насилство во иднина. Австрија започна со советувалишта за мажи уште пред извесно време и се покажа дека постои голема потреба од оваа услуга во Австрија. Овие советувалишта за мажи, финансирани меѓу другото од Австриското Министерство за социјални работи, тесно соработуваат со службите за заштита од насилство воспоставени во сите региони на Австрија. И покрај тоа, насилството врз жените и бројот на фемициди во Австрија и понатаму остануваат доста високи. Се покажа дека се потребни повеќе превентивни мерки и повеќе работа со сторителите. Затоа, во 2021 година беше воспоставена 24-часовна / 7-дневна кризна телефонска линија за мажи во Австрија, финансирана од Австриското Министерство за социјални работи. Дополнително, беше воведена законска обврска сите сторители во случаи на семејно насилство, против кои е издадена забрана за пристап и контакт, да користат услуги за советување против насилство. Покрај тоа, Австриското Министерство за социјални работи финансира проекти во областа на превенција на насилство кај мажи и машка младина, родово сензитивна работа со момчиња и млади мажи, промовирање на одговорни и грижливи модели на машкост, како и јавни кампањи за подигање на свеста со цел спречување на насилството врз жените и семејното насилство. Со тоа значително ја подобривме достапноста на превентивни мерки и услуги, советување и поддршка за жртвите на насилство во центрите за заштита од насилство во сите региони на Австрија, како и активностите за подигање на свеста во оваа област. Ова придонесе и за подобро пријавување на родово базираното и семејното насилство. Понатаму, во рамките на австрискиот Закон за заштита од насилство, полицијата има обврска да ги информира регионалните центри за заштита од насилство за издавање на забрани за приближување и контакт. Минатата година полицијата издаде околу 14.600 налози за заштита и овие информации ги достави до регионалните центри за заштита од насилство. Но, сѐ уште има премногу фемициди во Австрија, што покажува дека сме далеку од совршенство. Се надевам дека ова пилотирање на советувалиште за мажи тука во Кочани ќе придонесе за намалување на родово базираното и семејното насилство. На крај, дозволете ми да им се заблагодарам на вклучените невладини организации од Австрија и Северна Македонија за нивниот голем ангажман и да им посакам многу успех во понатамошната имплементација на проектот, истакна Харлд Фугер Атеше во австриското министерство за труд, социјални работи и заштита на потрошувачите.
Содржината на објавата е сопственост на Радио Кочани.
