Двајцата кандидати за градоначалник за Општина Долнени, Блерим Ислами од ВЛЕН и Сашко Вељановски од ВМРО-ДПМНЕ, ја почнаа кампањата за вториот круг за избор на градоначалник.
Сашко Вељановски од ВМРО-ДПМНЕ во овoj двонеделен рок од изборна кампања напиша дека ќе се фокусира на промоција на програмата до секој жител на Општина Долнени и изрази увереност во подобар резултат во вториот круг.
Во првиот круг го покажавме вистинското лице на Долнени – лице на единство, решителност и надеж! Благодарност до сите што застанаа со нас – Македонци, Бошњаци, Албанци и Турци – кои веруваат дека Долнени може и мора подобро! Вашата поддршка е јасна порака дека граѓаните се уморни од неправдите, поделбите и разочарувањата. Доста беше ветувања без дела – време е за нов почеток, за општина каде сите ќе се чувствуваме рамноправни и слушнати. Сега е моментот да ја заокружиме промената што ја започнавме! Во вториот круг, да се обединиме уште посилно и да застанеме зад човекот кој има визија, чесност и енергија да го води Долнени напред – Сашко Велјаноски! Да покажеме дека кога сите заедно стоиме – нема сила што може да нè запре! Поддржи ја промената. ДОЛНЕНИ ЗАСЛУЖУВА ПОВЕЌЕ!, напиша тој.
Кандидатот на ВЛЕН, Блерим Ислами , изјави дека во следните две недели ќе го посети секое семејство за да побара поддршка.
Ќе продолжиме со нашата програма и во овој двонеделен рок, со цел да стигнеме до секој граѓанин. Долнени има потенцијал – во земјоделството, образованието, инфраструктурата и со нов, чесен и отворен правец, можеме да изградиме подобра иднина за секое семејство. Заедно можеме да направиме промена!, напиша Блерим Ислами, кандидат за градоначалник на ВЛЕН за Долнени.
Ккампањата за вториот круг од изборите е во тек, а ќе заврши на 30 октомври на полноќ. В сабота е мол, а веќе в недела на 2 ноември ќе се одржи вториот круг на изборите . Во вториот круг на гласање за градоначалник би бил избран кандидатот кој би добил најголем број гласови.
