Турнирот ќе се одигра на 26/27 април, а победникот ќе обезбеди пласман на Ф4 Куп на Македонија. Интересна е и групната фаза за прилепскиот суперлигаш.Таму ќе бидат екипите на Охрид, Тиквеш и Аеродром.
И додека трае плеј аутот за прилепчани, се продолжуваат и договорите. Овој пат во клубот останува и Томислав Квастек. Хрватскиот кружен напаѓач се обврза на верност од уште две години со прилепчани, следејќи го трендот и на останатите ѕвезди како Денис Шабановиќ, Владан Кастратовиќ… Квастек стави потпис на договор до 2027 година со тимот кој е на добар пат да обезбеди опстанок во елитата.
Инаку во одлучувачкиот меч за купот прилепчани ќе се пресметаат со Охрид.
