Реакција од Здружението на општински градежни инспектори на РМ за непрофесионално и неточно интерпретирање на законските надлежности на општинските градежни инспектори

Оригинален линк на написот: Radiokocani.mk

Во врска со информациите изнесени во јавноста и точното интерпретирање на законите во дел од медиумите за наводна неактивност на општински градежен инспектор при Општина Кочани во предмет поврзан со објектот во кој се вршела угостителска дејност (т.н. Дискотека ПУЛС), Здружението на општински градежни инспектори на РСМ, сака да реагира изразувајќи сериозна загриженост заради непрофесионалното и неточно интерпретирање на законските надлежности на општинските градежни инспектори.

Од Здружението на градежни инспектори на Република Северна Македонија

Најпрво изразуваме длабоко жалење за трагичниот настан што ја потресе целата македонска јавности, воедно изразувајќи сочуство до роднините на починатите и посакуваме што побрзо оздравување на тешко повредените. Исто така, ова здружение максимално ќе се помага и ќе се заложува да се откријат вистинските виновници за немилиот настан.

Во врска со информациите изнесени во јавноста и точното интерпретирање на законите во дел од медиумите за наводна неактивност на општински градежен инспектор при Општина Кочани во предмет поврзан со објектот во кој се вршела угостителска дејност (т.н. Дискотека ПУЛС), Здружението на општински градежни инспектори на РСМ, сака да реагира изразувајќи сериозна загриженост заради непрофесионалното и неточно интерпретирање на законските надлежности на општинските градежни инспектори.

Согласно Законот за градење, општинскиот градежен инспектор постапува исклучиво во делот на изградба, одржување, реконструкција, адаптација, доградба и надградба, како и уривање на објекти изградени без одобрение или спротивно на одобрението за градење. Надлежноста на градежниот инспектор е ограничена на урбанистичко-техничките аспекти на градбата, а не на деловната активност што евентуално се врши во објектот.

Во однос на пренамена на објекти во функционална смисла, односно вршење дејност различна од онаа за која е издадено одобрението за градење, градежниот инспектор нема овластувања да ја оценува законитоста на дејноста што се врши во објектот, туку таа надлежност припаѓа на други надлежни инспекторати Државен пазарен инспекторат, инспекторат за угостителска дејност и други согласно закон.

Согласно Законот за инспекциски надзор, градежниот инспектор постапува по службена должност или по претставка, но само во рамките на неговите јасно определени законски надлежности. Не постои законска основа по која градежен инспектор би можел или смеел да врши надзор врз тоа дали објектот поседува дозвола за вршење угостителска дејност, дали е обезбедена заштита од пожар за таква дејност, или дали се исполнети условите за работа како кабаре бар.

Во тој контекст, секоја обвинувачка конструкција насочена кон градежен инспектор дека не спречил или не го затворил угостителски објект, надвор  неговата надлежност, претставува грубо непознавање или свесно игнорирање на правната рамка, со што се загрозува угледот и интегритетот на инспекциската професија.

Здружението ќе ги информира сите надлежни институции и медиуми за овие факти и ќе побара итно повлекување на неоснованите тврдења што претставуваат напад врз стручниот и законски заснован инспекциски систем во државата.

Претседател на Здружението на  градежни инспектори на Република Северна Македонија 
Златко Бојаџиев дипл.град.инж.

Содржината на објавата е сопственост на Радио Кочани

Категорија:

ОСТАНАТО ОД РУБРИКА

Автомобилски ентузијасти од цела Македонија возеа во чест на Павел

Денеска, улиците кон аеродромот Пониква беа исполнети со автомобили и искрена емоција, додека десетици возачи од Кочани, Скопје и други градови се обединија на настанот „Возиме за Павел“. Овој собир, организиран со цел оддавање почит кон Павел, прерасна во симбол на заедништво, поддршка и љубов. Собирот  започна во 10:00 часот, а во Скопје учесниците се

Таравари ги посети пациентите кои се лекуваат од пожарот – сместени во болницата “Чам и Сакура“ во Истанбул

Министерот за здравство и претседател на Алијансата за Албанците, Арбен Таравари, придружуван од претставници на Конзулатот на Македонија во Истанбул, денес ја посети болницата “ Чам ве Сакура“ во Истанбул, каде што се лекуваат двајца од младите повредени во тешката трагедија што се случи во Кочани. Во оваа болница првично биле примени шест пациенти, од

Над 1,8 милиони денари се собрани на хуманитарната аукција на уметнички дела во „Бели мугри“

Над 1,8 милиони денари или околу 30.000 евра се собрани на хуманитарната аукција на уметнички дела за помош на настраданите во пожарот во дискотеката „Пулс“ во Кочани, соопштија иницијативата „Support Kocani“. Во организација на оваа иницијатива и, акуцијата се одржа вчера во Центарот за култура „Бели мугри“, а сите средства ќе бидат донирани на семејствата