Во паркот на населбата Точила денеска во присуство на министерот за спорт Борко Ристовски беа пуштени во употреба двете рекоструирани и збогатени спортско – рекреативни игралишта како дел од 30 тината слични спортски терени во Македонија предвидени за реконструкција на ресорното министерство.
– Преку санација и реконструкција на вакви игралишта обезбедуваме масовност за спорт и рекреација на младите и возрасните. Ова е многу важен сегмент за социјализација на младите, што повеќе да ги отргнеме од сите оние модерни предизвици на денешницата и да ги донесеме да спортуваат и да рекреираат и да се дружат. Благодарам на Градоначалникот за соработката и поддршката без што не ќе можевме да го изведеме проектот за така брз рок и би посакал што повеќе млади луѓе го користат, да се дружат и заедно да можеме преку социјализација да градиме здраво општество, рече министерот Ристовски.
Општина Прилеп продолжува со напорите за санација на постоечката спортско-рекреативна инфраструктура. Но потребно е и граѓаните да дадат свој придонес преку грижата за вакви и слични објекти:
– Апелирам до сите жители на оваа населба и до сите корисници да внимаваме и да ги чуваме овие добра кои со средства од Министерството се инвестирани овде. Треба да се одржува и чува, ако ние сами не го одржуваме за брзо време би станало повторно руина овој простор.
