На денешната 57‑та седница, советниците на Општина Зрновци, со 9 гласа „за“ и ниту еден против, едногласно донесоа одлука дека и оваа година сите првачиња од општината ќе добијат еднократен паричен ваучер во износ од 3 000 денари и училишен ранец, како поттик и поддршка за успешен старт на нивната образовна приказна.
Оваа мерка е дел од позитивната социјална политика насочена кон олеснување на трошоците за семејствата и градење услови за еднаков почеток на образовниот пат за сите деца.
Инаку, овие две мерки се спроведуваат веќе четврта година по ред во Зрновци.
Д. Николов
Содржината на објавата е сопственост на Радио Кочани.
