Во рамки на проектот „Заедно кон Европа: Мултиетничка иницијатива за европска иднина за сите генерации“ беше реализирана теренска промотивна кампања насочена кон подигнување на свеста за европските вредности и поттикнување на активно граѓанско учество.
Кампањата се спроведе преку дистрибуција на флаери, брошури и информативни материјали, подготвени на јасен и достапен начин. Содржините беа пред сè информативни, со објаснувања за значењето на европските вредности – еднаквост, инклузија, почитување на човековите права и мултиетничка соработка. Воедно, материјалите содржеа и повик до граѓаните да се приклучат во проектните активности, да учествуваат во настаните и да бидат дел од процесот на европска интеграција.
Оваа теренска активност овозможи поблиска комуникација со семејствата и граѓаните на локално ниво, создавајќи простор за директна размена на мислења и за поттикнување на интерес за натамошно вклучување.
Со кампањата, проектот придонесе не само за зголемување на информираноста, туку и за зајакнување на ангажманот и чувството на припадност кон заедничките европски вредности. Иако посебно внимание беше посветено на ромската заедница, кампањата ја опфати и пошироката јавност, со акцент на различните етнички заедници, во духот на мултиетничка соработка и заедничка европска иднина.
Содржината на објавата е сопственост на Радио Кочани.
