На германските гробишта во Прилеп денеска по повод „Денот на примирјето“ и „Денот на народната жалост“, им беше оддадена почит на жртвите од Првата светска војна. Делегации од амбасадите на Сојузна Република Германија и Република Франција, предводени од амбасадорите Н.Е. Петра Дрекслер и Н.Е. Кристоф Ле Риголер, делегација од Општина Прилеп, предводена од градоначалникот на Прилеп, Дејан Проданоски, делегација од АРМ и преставници од здруженија на граѓани, положија венци и свежо цвеќе.
„Овој ден претставува потсетник на трагичните последици од војната, но и на важноста на мирот, солидарноста и европските вредности. Примирјето од 1918 година означи крај на еден од најразорните конфликти во историјата и постави темели за иднината која денес се гради преку соработка и разбирање меѓу народите.“ истакна градоначалникот на Прилеп, Дејан Проданоски.
При оваа пригода тој оствари и средба со амбасадорите во неговиот кабинат. На средбата, се разговараше за унапредување на билатералната соработка, отворање нови можности за економски развој, поддршка на локални проекти и зајакнување на културните и образовните врски со двете земји. Продановски потенцираше дека Прилеп има што да понуди како економски центар, но и како град со значаен туристички и културен потенцијал.
