Македонската режисерка Тамара Стојаноска е апсолутна победничка на седмото издание на конкурсот за млад театарски режисер „Слави Шкаров“, органзиран од Драмскиот театар „Сава Огњанов“ во Русе, Бугарија.
Стојаноска ја претстави својата интерпретациа на извадок од „Срде од ајкула“ според романот на Емили Хабек во соработка со актерите Соња Пилатова, Борислав Апостолов, Ростислав Панков, Надја Банчева и Александар Узунов.
Покрај главната награда определена од жири комисијата составена од драматурзите Клаудио Гроза и Ина Шкарова и актерот Жарко Спасовски, на Тамара Стојаноска категорично и припадна и наградата од публиката. Двете награди и беа врачени од директорот на театарот, Бојан Иванов.
Освен Стоаноска, финалисти на конкурсот беа и Рафаел Бижев, режисер од Република Бугарија и Тудор Антофи, режисер од Романија. Тројцата беа номинирани да се натпреваруваат во финалната фаза, која се одржа во Русе од 16 до 21 јуни. Во текот на тие пет дена, избраните режисери имаа можност да работат со актери од ансамблот на театарот во Русе и на крај да ги претстават своите подготвени извадоци пред публика. Победникот, определен од жирито, добива можност да го доразвие прикажаното и да го претвори во целосна претстава во Драмскиот театар „Сава Огненов“
Селекторка на конкурсот оваа година е театарологот Деница Езекиева, која одлучи седмото негово издание да помине под мотото „Нарцис и Ехо“.
– Главни критериуми при изборот беа пред сè естетските квалитети на предлозите, аргументацијата при изборот на текстот, оригиналноста на режисерската концепција и желбата за самостоен и авторски сценски израз. Верувам дека избраните режисери ќе се осмелат да ги реализираат високите задачи што ги поставуваат нивните концепти“ – рече селекторката Деница Езекиева.
Конкурсот го носи името на видниот бугарски режисер Слави Шкаров и има за цел да ги поддржи младите таленти во областа на театарската уметност. Победата на ова натпреварување отвора нови можности за младите креативци за развој на нивната кариера, а наградите на Тамара Стојаноска ќе и дадат можност да ја развие и реализира својата идеја во целосна претстава во наредната театарска сезона на сцената на Русенскиот театар.
Филип Димкоски
Фото: Јавор Мичев
