Предлог на Радио Пела за 13 Велчиствени е СОУ „Орде Чопела“ – Прилеп: училиште кое ја гради заедницата преку неформално образование
Средното училиште „Орде Чопела“ од Прилеп во последниот период сè повеќе е присутно во медиумите, благодарение на својата активност во заедницата и иновативниот пристап кон образованието. Покрај формалното учење, училиштето активно се вклучува во проекти и иницијативи кои го збогатуваат младинскиот живот и ја поттикнуваат креативноста на учениците и професорите.
Организирање на неформални едукативни програми за развој на комуникациски и лидерски вештини кај младите, културни и спортски настани, промоција на талентите на учениците, едукативни работилници, активна соработка со медиуми и граѓанскиот сектор, соработка со останатите образовни институции и учество на меѓународни натпревари, хуманитарни акции, волонтерски проекти, еколошки иницијативи во кампањи за зачувување на животната средина и разубавување на јавни простори во Прилеп, се само дел од активностите кои училиштето ги креира и го привлекува вниманието на јавноста.
Медиумите го препознаваат СОУ „Орде Чопела“ како пример за современо училиште кое не се ограничува само на наставната програма, туку активно придонесува за развој на заедницата. Честите извештаи за нивните активности ја истакнуваат улогата на училиштето како центар на младинска енергија и иновација. Со ваквиот пристап, СОУ „Орде Чопела“ – Прилеп не само што го привлекува вниманието на медиумите, туку и станува симбол на нова образовна култура која ја гради иднината на младите преку формално и неформално учење.
Порака: „Образованието не завршува во училница – тоа е процес кој продолжува во секојдневниот живот,“ велат од раководството на училиштето, охрабрувајќи ги учениците да бидат активни, креативни и општествено одговорни.
