Доцна синоќа изгоре семејна куќа во с. Лажани, Општина Долнени. Семејството, Даил и Сафет Бекироски претрпеа голема несреќа. Ненадејно нивниот дом целосно изгоре во пожар, по што останаа без покрив над глава и без основни услови за живот.
Нивниот сограѓанин Ален Хасановиќ на своајта ФБ страна апелираше за помош и напиша:
„Во овие исклучително тешки моменти, упатуваме отворен апел за помош и солидарност до сите жители на село Лажани, до соседните населени места, до граѓаните од целата држава, како и до нашата дијаспора ширум светот. Секој кој е во можност, во рамки на своите можности, може да помогне со финансиски средства, градежен материјал или каква било друга форма на поддршка. Секоја помош е значајна. Со заедничка човечност и поддршка можеме барем делумно да им ја олесниме оваа голема животна мака и да им помогнеме повторно да застанат на нозе. Контакт лице: Даил Бекироски – 070 653 822 “
