Градоначалникот Борче Јовчески денеска го потпиша договорот за доградба на фабриката за отпад – втора фаза кај депонијата Алинци, со набавка на опрема и монтажа со реномираната компанија Tehnix-eko d.o.o. од Република Хрватска. Инвестицијата во износ од 49.578.043 денари (780 илјади евра) со временски рок за инсталација на потребната опрема за 1 година од потпишување на договорот.
„Ова претставува сериозен чекор напред во модернизацијата и зголемување на капацитетите за управување со отпадот во Прилеп и регионот што ќе овозможи поефикасна и еколошки прифатлива селекција на отпадот, напиша градоначалникот Јовчески на социјалната мрежа ФБ.
Изградбата на фабриката за селекција на отпад беше отпочната во 2016 година, и стопирана за градба во 2018 година. Моментално доселекцијата на корисни отпадни материјали се извршува во импровизирана хала со мануелна селекција на одвојување и со балирање на 50 тонска aвтоматска преса.
