Проектот за презентација на млади музичари од Прилеп и Македонија „Од нула до култура“ започнува в четврток – 26 јуни 2025г со почеток во 21.00 часот на камената бина, на отворено, во центарот на Прилеп. Ова е трета сезона на иницијативата со поддршка на Општина Прилеп за промоција на музичките вредности, преку презентација на млади музички таленти и групи.
„Проектот е осмислен на локални млади музичари или пак локални веќе етаблирани бендови да им даде за задача да направат програма во времетрање од 90 – 120 минути со песни од светската популарната поп и рок култура која имаат големо влијание за културна наобразба на секој човек како Beatles, The Queen, Sting, Bob Dylan, Depeche Mode, Pink Floyd, U2, R.E.M, Michael Jackson итн, итн, со тоа што би биле тематски вечери за промоција на вакви великани на музиката кои се наградувани дури и со Нобелова награда да им се презентираат на помладите, односно еден дел од вечерта би била посветена исклучиво на еден музичар, односно група , а вториот дел од вечерта бендовите би свиреле авторски песни и песни од останати групи, односно музичари,“ вели авторот на проектот Кире Конески.
Иницијативата е предвидена да се реализира во периодот од 26.06.2025 до 18.09.2025 за време на школскиот распуст, со тоа што би се одржувал седмично, односно секој четврток доколку временските услови го дозволат тоа.
