Во општина Зрновци започна нов значаен инфраструктурен проект – доградба и реконструкција на основното општинско училиште „Синиша Стоилов“. Проектот се реализира со финансиска поддршка во висина од 5.406.429 денари, обезбедени преку соработка со Центарот за развој на Источниот плански регион.
Официјалниот почеток на работите беше означен денеска во присуство на директорот на Центарот, Трајче Здравков, директорката на училиштето Слаџана Гаврилова, како и претставници од надзорниот орган. За изведувач на градежните активности е избрана компанијата „Мак Бис Инженеринг“ ДООЕЛ Скопје.
Како градоначалник, мојата најголема обврска е да обезбедиме подобри и поквалитетни просторно-образовни услови за нашите ученици и наставници. Образованието е темел на развојот на општината и иднината на младите,“ изјави градоначалникот Борчо Коцев за Радио Кочани при воведувањето на изведувачот во работа.
Со реализацијата на овој проект се очекува значително унапредување на условите за учење, што претставува уште еден чекор напред во заложбите на општината за создавање на современа, безбедна и мотивирачка средина за образование.
Содржината на објавата е сопственост на Радио Кочани.
