По кражбата, водоводот до манастирот „Трескавец“ вратен во првобитната состојба
Водоводот до манастирот Трескавец, кој требаше да биде пуштен во употреба во март, е обновен. Директорот на ЈКП Водовод и Канализација – Прилеп, Игор Гулабоски посочи дека по настанатата гражба на почетокот на годината на дел од водоводниот систем, локалната самоуправа во соработка со опшествено одговорна компанија и ЈКП В и К , ги набавиле потребните средства и веќе, водоводната мрежа до манастирот „Трескавец“ е обновена пред две неели и вратена во првобитната состојба. Но, кога би било пуштањето во употреба на водоводната мрежа во конаците на манастирот, Гулабоски нагласи дека претпријатието нема ингеренции за овој зафат, зашто комплексот е под заштита во делот на културното наследство.
„Лично манастирот треба да направи проект за внатрешната водоводна инсталација„ – рече Гулабоски на прес конференција
Во февруари непознати сторители ги украле каблите и дел од електрониката на новиот водовод од манастирот Трескавец со што се одложи неговото пуштање. Кражбата беше проценета на 10 илијади евра. Крадците беа пронајдени и веќе има судски процес против нив.
Инаку, водоводот за манастирот Трескавец со пречистителна станица се градеше со 100.000 евра, обезбедени од ТАВ-програмата и со уште 3 милиона денари од буџетот на прилепската локална самоуправа. Најавите,тогаш, беа дека ќе биде готов до крајот на 2023 година.
