„Ова ни е традицонален есенски панаѓур кој секоја година го организираме. Избран е 16 ти октомври како Светски ден на здравата храна. Овој ден се празнува во многу држави во свето, така и ние со еден наш мал придонес, со активност преку учениците, иницијатива од училиштето со поддршка од Советот на родители го организираме овој традиционален есенски панаѓур. Целта е да ја подигнеме свеста пред се’ на учениците, а на сите кои не’ посетуваат за консумирање на здрава храна и да знаеме да ја користиме. Да користиме онолку колку што треба, а не повеќе, бидејќи знаеме дека треба да постои свет без глад, рече Снежена Шубеска, директор на ООУ „Кире Гаврилоски Јане“ Прилеп.
„Денеска е ден на здрава храна и ние редовно консумираме здрава храна, да ни биде подобро здравјето, да не настинуваме, да не не боли ништо, да имаме поцврсти коски. Со парите што ќе ги собереме ќе дадеме придонес за училиштето, вели Петар Думбалоски. „Јас најчесто јадам салата, круши, јаболка, банани, и тоа го јадам секој ден. Се чувствувам здраво. Им препорачувам на моите другарчиња да јадат здрава храна, за и тие да бидат здрави, рече Хана Проданоска. „Најчесто од зеленчукот јадам моркови, краставици, домати, а од овошјето банани. За продажба на штандот подготвив корпа со лешници и бадеми, јаболка, мандарини и банани. На моите другарчиња им препорачувам да се хранат здраво“.
„Ова е прекрасна акција која традиционално се спроведува во училиштето. Ова е еден начин за децата од најмали нозе, од најрана возраст да ги стекнат оние навики за конзумирање на здрава храна особено на зеленчук и овошје, дали како ужинка, дали во текот на целиот ден повеќе пати. Ова е одличен начин да им се укаже на децата за тоа. Ние како семејство дома практикуваме да конзумираме зеленчук и овошје, редовно ни е полна кошницата, некогаш помалку, некогаш повеќе, но важно е да се напоменува тоа и често пати да се применува,“ вели Петкоска.
