Активностите за расчистување на отпадот на јавните површини во Кочани денеска продолжија со отстранување на мини-депонијата создадена на Полатски пат, во близина на Фабриката за вода во Кочани.
Општина Кочани во соработка со КЈП „Водовод“, со помош на механизација го отстрани насобраниот отпад, а лицата за одржување на комунална хигиена ги чистеа остатоците на овој потег во Ромското Маало во Кочани.
Увид на теренските активности направи и градоначалникот Владко Грозданов, кој повика на одржување на јавната чистота на секој дел во општината.
Интензивните активности за расчистување на отпадот ќе продолжат и претстојниов период.
Содржината на објавата е сопственост на Радио Кочани.
