В сабота, на 27 септември, со почеток во 10:00 часот, во кругот на полициската станица во Пробиштип ќе биде откриена спомен-биста во чест на трагично загинатиот полициски службеник Тоше Тодоровски.
Настанот се организира во присуство на семејството, колегите, пријателите, претставници на синдикални организации, како и претставници од државни институции и пошироката јавност.
Тоше Тодоровски го загуби животот пред точно шест месеци, при извршување на службени должности во дискотеката „Пулс“ во Кочани – трагедија што длабоко го потресе полицискиот и безбедносниот систем, но и целото општество.
Во овие тешки моменти во кои навршија 6 месеци од трагедијата и сеуште се чуствува длабока тага и болка не е време за поделби, туку е момент кој треба да не обедини сите кои сочуствуваме со фамилиите кои загубија свои блиски, достоинствено да одадеме почит и да побараме правда за сите, се вели во писменото соопштение.
Содржината на објавата е сопственост на Радио Кочани.
