Пет нови камени гробници во карпа дооткрија археолозите од прилепскиот Завод и музеј при заштитните архелошки истражувања на локалитетот „Крклари“ во комплексот Маркови Кули над Прилеп. Тие се од владеењето на македонските кралеви Филип Петти и Персеј од првиот и вториот век од нашата ера од хелинистичкиот период.
Според археологот и козерватор Владимир Крстески, овој тип гробници се специфични и претставуваат единствена појава во Прилепскиот регион. Во гробниците се закопувале видни граѓани и може да бидат голема туристичка атракција.
Комплексот Маркови Кули е една голема некропола. Има индиции за откривање на уште поголем број гробници, дури и од средновековието, а истражувањата ќе продолжат и во наредните години, со што ќе бидат доистражени сите гробници на оваа територија.
