Зрновци – Општина Зрновци ќе добие нова современа комунална механизација за летно и зимско одржување на локалната патна инфраструктура, со вкупна вредност од 5,5 милиони денари. Договорот за набавка е веќе потпишан, со што се најавува значително подобрување на условите за одржување на улиците и јавните површини во општината.
Според информациите, механизацијата вклучува:
* Трактор со над 100 коњски сили, со кабина и предни полуги
* Мултифункционална хидраулична рака за вертикално и хоризонтално мулчирање
* Кастрачка за гранки
* Приколка со носивост од 6 тони
* Даска за снег
Оваа инвестиција има за цел да ја зголеми ефикасноста при комуналните активности и да обезбеди побрзо и поквалитетно одржување на улиците, особено во зимски услови. Дополнително, се очекува подобрување на хигиената и уреденоста на јавните површини, како и зголемена безбедност на патиштата во текот на целата година.
Содржината на објавата е сопственост на Радио Кочани.
