Почитувани сограѓани, На овој свет ден, оддаваме почит кон двата Илиндена, коишто спојуваат два суштински момента од историјата на македонскиот народ.
Илинден 1903 – симбол на жртва, нескршлив слободарски дух, на хероите од Крушевската Република и асномскиот – Илинден 1944, кој ги постави темелите на модерната македонска државност, прогласувајќи го нашето право на слобода, идентитет и самоопределување.
Двата Илиндена, иако одделени со децении, ги поврзува една визија: слободна, достоинствена и суверена Македонија.
Оддавањето почит на жртвите на нашите предци е истовремено потсетување и на одговорностите што ги носиме за да го заштитиме нивното наследство – преку единство, напредок и почитување.
Празнувањето на големиот национален и православен празник – Илинден ја обединува и болката по неповратните животи од неодамнешната трагедија во Кочани и повикува на коренити промени кон похумано и поодговорно општество.
Нека е честит Илинден, за многу години!
ОО на СДСМ – Кочани
Содржината на објавата е сопственост на Радио Кочани.
