До 12:30 часот, денеска 28 ми јули, според податоците од Центарот за управување со кризи (ЦУК), низ територијата на Македонија се регистрирани вкупно 15 пожари на отворен простор. Девет од нив се сè уште активни, а шест се ставени под контрола.
Мешани шуми и ниска вегетација горат и во шумскиот појас меѓу Прилеп и Кавадарци, во реонот на селата Царевиќ, Смолани, Радобил, Дрен, Галиште и Трстеник.
Пожарот кај с. Бешиште, м.в. Бешишки Рид, краци кон с. Градешница (опш. Новаци) и кон границата со Р. Грција (мешана шума) е сеуште активен бидејќи интервенција не се изведува поради детонации, соопштуваат од Центарот за управување со кризи.
Најдраматично е во источниот и јужниот дел на државата.
ЦУК апелира до граѓаните да не палат оган на отворено, да пријавуваат веднаш секој забележан чад и да соработуваат со надлежните служби. Прогнозите најавуваат нестабилно време со ветер, што дополнително го зголемува ризикот за ширење на пожарите.
