Регулаторната комисија за енергетика одлучи бензините да поскапат за пола денар, а дизелот за еден денар.
Според ова, новата цена на Еуросупер БС-95 ќе биде 74 денари за литар, а Еуросупер БС-98 ќе се продава по цена од 76 денари за литар.
Новата цена на дизелот ќе биде 71 денар откако претходно на двапати имаше зголемување на цената.
Се менува и малопродажната цена на мазутот која се зголемува за 0,856 ден/кг и сега ќе изнесува 36,913 ден/кг.
Единствено иста останува цената на Екстра лесното масло за домаќинство.
