Денес, во OOУ „Св. Кирил и Методиј“ се одбележа Светскиот ден за заштита на животната средина.
Учениците и наставниците од одделенската настава во ОУ „Св. Кирил и Методиј“ – Кочани, овој ден го одбележаа на креативен и необичен начин – со Еко модна ревија.
Учениците покажаа како од отпаден материјал може да се создаде мода – еко-облека направена од стари весници, ќесиња, картони, пластични капачиња и уште многу други предмети кои добија нов живот во рацете на креативните ученици и нивните наставници.
Оваа ревија имаше една цел, да покаже дека може сите да бидат еколошки свесни, креативни и одговорни граѓани уште од најмали нозе.
Моделите прошетаа по импровизираната писта и ги покажаа своите уникатни еко-креации.
Секој учесник во ревијата доби пофалница за успешно и креативно учество во еко-модната ревија.
Содржината на објавата е сопственост на Радио Кочани.
